საზოგადოების ფართო მასებისავის ცნობილი ე.წ. ,,შავ სიის“ და საბანკო დავალიანების მქონე ვალდებულებების ლიკვიდაციასთან დაკავშირებით, ბატონმა ბიძინა ივანიშვილმა, იმედის არხის თოქ-შოუ ,პირისპირში“აღნიშნა:
,,აი ეს არის კარგი მაგალითი, იმის რომ თუ ცდილობ, შეიძლება გამოგივიდეს კიდეც.
მთავრობა, რომელიც დღეს ახალი სახით წარმოსდგება და ვარწმუნებ საზოგადოებას, რომ ეს არის ზუსტად ის, რასაც დავიწყებთ ზემოდან და ბოლომდე მუნიციპალიტეტის დონეზე მოვახერხებთ, რომ ესეთივე ვერტიკალი გავამყაროთ. როგორიც გვყავს დღევანდელი მთავრობა, ესეთივე იქნება ნებისმიერ მუნიციპალიტეტში მერი და საკრებული და ესე იქნება მოწადინებული, რომ მაქსიმალური გააკეთოს და შეეცადოს ხალხს ცხოვრება შეუმსუბუქოს.
შევეცადეთ, ვიმუშავეთ, ბევრი დავხარჯეთ, ბევრი შრომა ჩაიდო, მაგრამ გამოვიდა.
აი მეორე პატარა მაგალითი უფრო - მცხეთაში. მცხეთელები შფოთავენ რამდენი ხანია, რომ იქ მშენებლობა პრაქტიკულად შეჩერებულია. იცით, რომ იუნესკოში შესვლასთან დაკავშირებით იქ კითხვები იყო. ამიტომ ძალიან იოლად ისევ ბიუროკრატიამ, ძალიან იოლად გადაჭრა და გააჩერა ყველაფერი - ხალხი ელემენტარულ პატარა მიშენებასაც ვერ აკეთებს.
აი სულ მოკლე პერიოდში, ვიწვალეთ და გუშინ მემგონი ეს საკითხიც დაიძრა და გადაიჭრა.