ტურიზმის მსოფლიო დღე და მემორანდუმი მცხეთის №1 საჯარო სკოლასთან
27-9-2018

   27 სექტემბერს, ტურიზმის მსოფლიო დღეს, განსაკუთრებით აქტუალურია ტურიზმის, როგორც ქალაქ მცხეთის განვითარების ძირითადი მიმართულების პოპულარიზაცია და ეკონომიკის ამ განხრის გაძლიერება, რომელთანაც თავის მხრივ პირდაპირ დამოკიდებულებაშია კულტურული მემკვიდრეობის წარმოჩინება. ამ მიმართულებით რეალური ნაბიჯების გადადგაში ძირითადი როლი კი ჩვენს ახალგაზრდობას ეკუთვნის.

  ამიტომაც, სწორედ დღეს, 27 სექტემბერს, ერთის მხრივ სსიპ ,,ქალაქ მცხეთის №1 საჯარო სკოლასა“ და ა(ა)იპ „მცხეთის კულტურული მემკვიდრეობისა და ტურიზმის განვითარების ცენტრს“ შორის გაფორმდა ურთიერთთანამშრომლობის მემორანდუმი.

 

IMG_9201

 

  მხარეები ვაღიარებთ ქალაქ მცხეთის ცხოვრებაში ახალგაზრდობის ჩართულობის და როლის გაძლიერების აუცილებლობას, მოსწავლეთა სასწავლო პროცესში კულტურული მემკვიდრეობისა და ტურიზმის საკითხებში ცნობიერების ამაღლების საჭიროებას. ამ მიზნით ხელმოწერის ფორმატის მიმდინარეობისას დაიგეგმა კონკრეტული საქმიანობების განხორციელება.  

 

IMG_9175

 

 

  კულტურული მემკვიდრეობისა და ტურიზმის სფეროში ერთობლივად შემუშავდება საგანმანათლებო პროექტები, ტრენინგებებთან ერთად მოხდება მოსწავლეთა ჩართვა კონკურსებში. ბავშვთა არქეოლოგიის განვითარების კუთხით შეიქმნება სამუშაო ჯგუფები, განხორციელდება ექსკურსიები და კულტურული მემკვიდრეობის ძეგლთა დაცვის აქციები. ცენტრის ბაზაზე მოეწყობა შემეცნებით-ტექნოლოგიური ოთახი, სადაც მოსწავლეები განახორციელებენ ინტერნეტსაიტის მართვასა და ვიკიპედიაში საიტების განთავსებას.

  ქალაქ მცხეთის №1 საჯარო სკოლა, როგორც იუნესკოს ასოცირებული წევრი, მონაწილეობას მიიღებს საგრანტო პროგრამებსა და აქტივობაში, რომლის განხორცილებაში ცენტრი გაუწევს ტექნოლოგიურ და საორგანიზაციო დახმარებას.

 

IMG_9182

 

  დაგეგმილია თანამშრომლობა დაძმობილებული ქალაქების მოსწავლე-ახალგაზრდობასთან, კერძოდ კი პირველი პილოტპროექტი განხორციელდება ბულგარეთის რესპუბლიკის ქალაქ ნესებირთან, რომელიც თავის მხრივ იუნესკოს მსოფლიო მემკვიდრეობის სიაშია.

 დასასრულს, ქალბატონმა ვერიკო მაჩხანელმა და ბატონმა რევაზ მამულაშვილმა აღნიშნეს რომ მცხეთაში არსებული ახალგაზრდობის პოტენციალიდან გამომდინარე, ურთიერთთანამშრომლობა წარმატებული იქნება. ჩვენის მხრივ, ამის პასუხად, უახლოეს მომავალში დანერგილ სიახლეებს, სტატიების სახითაც გაგაცნობთ.

 

  ელენე ყიფიანი

   27.09.2018 წ.

დათვალიერება: 875
კომენტარები
ვიდეო რეპორტაჟი
მთავარი ამბები
პოპულარული მასალები
გამოკითხვა
პარტნიორები
© 2015 bagineti.ge
Designed & Powered By Good Service Group